Рэспубліканскі фестываль нацыянальных культур чакае ўдзельнікаў і гасцей 7-8 чэрвеня ў г. Гродна

856 удзельнікаў і 36 нацыянальнасцяў возьмуць удзел у XIV фестывалі нацыянальных культур

Фестываль пачнецца 7 чэрвеня з урачыстага шэсця. Удзельнікі ў нацыянальных строях пройдуць па пешаходнай вуліцы Савецкай. А на плошчы Савецкай адбудзецца ўрачыстае адкрыццё XIV фестывалю нацыянальных культур, якое ўпершыню завяршыцца маладзёжнай дыскатэкай . На наступны дзень, 8 чэрвеня, прадстаўнікі нацыянальнасцяў пакажуць гасцям фестывалю асаблівасці сваіх культур.

У гэтым годзе фестываль аб'яднае прадстаўнікоў 36 нацыянальнасцяў. Плануецца размяшчэнне 19 падвор'яў, у тым ліку “Беларускае” і шматнацыянальнае “Шматгалоссе”.

Таксама сёлета фестывальныя мерапрыемствы працягнуцца на новай пляцоўцы - на Аўгустоўскім канале, дзе гасцей чакае яркая і цікавая праграма.