«Саджэнне маладой на пасад»: Навагрудчына адраджае старадаўнія вясельныя традыцыі
У рамках свята «Скарбы Гродзеншчыны» творчы калектыў Навагрудскага раёна прадставiў фрагмент вясельнага абраду «Саджэнне маладой на пасад» — глыбока сімвалічнае дзейства, якое з’яўляецца часткай маштабнага праекта па захаванні беларускіх вясельных канонаў
Абрад быў напоўнены хвалюючымі момантамі, кожны з якіх мае сакральнае значэнне:
Абсмальванне касы — развітанне нявесты з дзявочым жыццём;
Саджэнне на дзяжу — сімвал гатоўнасці да сямейнага дабрабыту і захавання хатняй утульнасцi;
Апрананне вэлюма — сімвал пераходу ў статус замужняй жанчыны;
Бацькоўскае бласлаўленне — духоўная аснова будучай сям’і.
Праз такія пастаноўкі народныя майстры і артысты Навагрудчыны не проста дэманструюць прыгожую карцінку, а захоўваюць жывую памяць продкаў. Гэта напамін пра тое, наколькі глыбокімі, паэтычнымі і важнымі ў сваёй абрадавай сутнасці былі беларускія вяселлі.
Крыніца: https://nov-centr.of.by/
