Свята пісанкі ў г.п. Сапоцкін адбудзецца 18 красавіка
БРЭНДЫ ГРОДЗЕНШЧЫНЫ. 18 красавіка запрашаем усіх у гарадскі пасёлак Сапоцкін на Свята пісанкі.
На працягу дня кожны зможа паспрабаваць сябе ў майстэрстве па роспісе сапоцкінскай пісанкі на майстар-класах ад носьбітаў традыцыйнай культуры г.п.Сапоцкін і майстроў Гродненскай вобласці. Для гасцей арганізуюць конкурс велікоднага печыва з дэгустацыяй зёлкавай гарбаты і турнір па біцці яек, таксама будуць частаваць дранікамі на калодзе. Дзяцей чакаюць велікодныя гульні, квэсты, конны дворык і батлеечны спектакль. Канцэртную праграму працягнуць творчыя калектывы Гродзенскага раёна і народны ансамбль беларускай музыкі і песні «Гасцінец». Завяршыцца свята танцавальнай праграмай «Танчым па-сапоцкінску».
t.me/otdelkuitgr
