Свята «Тры Каралі» пройдзе 3 студзеня ў Беларускім дзяржаўным музеі народнай архітэктуры і побыту

3 студзеня 2026 года

з 13.00 да 14.00

Тры Каралі – каталіцкае свята,  якое адзначаецца 6 студзеня ў гонар трох мудрацоў  – Каспара, Мельхіора і Бальтазара. Згодна з Евангеллем, мудрацы прынеслі нованароджанаму Ісусу Хрысту дары – золата, ладан і міру.

У беларускіх вёсках у гэты дзень адбываліся абрады абыходу двароў і віншавання гаспадароў. З некалькіх маладых хлопцаў утвараўся гурт. Галоўныя персанажы ў гурце – тры каралі, анёл і чорт.

Далучайцеся да святкаванняў разам з намі ў Беларускім дзяржаўным музеі народнай архітэктуры і побыту!Вас чакае:

• Лялечны тэатр “Батлейка”;
• Рэканструкцыя абраду “Тры Каралі”;
• Выступ фальклорнага гурта “ВЕРНА”;
• Гульнявая пляцоўка;
• Майстар-класы;
• Беларускія танцы і гульні.

  За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 15,00 руб.;
• студэнтаў вышэйшых устаноў адукацыі (студэнцкі білет) – 7,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,50 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

 Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутнае таксі №1111, №1026.