19 ліпеня 2025 года
15.00 – 16.00
«Зажынкі» - традыцыйнае свята, прысвечанае пачатку жніва.
Гэта падзея адзначае важны момант у жыцці вясковай грамады, калі першы сноп «Гаспадар» зажыналі з асаблівай пашанай. Лічылася, што ён прыносіць у дом дабрабыт, шчасце і згоду, а таксама валодае магічнай сілай. Сноп упрыгожвалі чырвонай стужкай, заносілі ў хату і ставілі на покуці як сімвал ураджайнасці.
Пад час мерапрыемства Вы зможаце пазнаёміцца з даўнімі абрадамі, звязанымі з пачаткам уборкі ўраджаю. Свята будзе цікавае як дарослым, так і дзецям — усім, хто жадае дакрануцца да каранёў беларускай культуры.
Запрашаем далучыцца ўсіх жадаючых да свята «Зажынкі»!
Вас чакае:
- Расповед пра абрад;
- Рэканструкцыя абрада «Зажынкі»;
- Майстар-клас па ўборцы ўраджаю сярпамі;
- Упрыгожванне снапоў;
- Майстар-клас па традацыйным беларускім танцам і гульням.;
Кошт квіткоў:
- для дарослых – 13,00 руб.;
- студэнтаў вышэйшых устаноў адукацыі (студэнцкі білет) – 7 руб.;
- для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7 руб.;
- для дзяцей дашкольнага ўзросту – бясплатна.
Экспазіцыя музея працуе з 11:00 да 19.00. Каса працуе з 11:00 да 18:30.
Шаноўныя наведвальнікі!
- Калі ласка, паклапаціцеся аб абутку і вопратцы згодна ўмоў надвор’я.
- Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
- На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
- Экскурсіі ў дзень мерапрыемстваў праводзяцца толькі па папярэднім запісе.
Як нас знайсці?
Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.
Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; маршрутнае таксі №1111, №1026.
https://etna.by