“З Тройцаю ў лета”!

Удзел у свяце прынялі калектывы з Ганцавіцкага, Лунінецкага, Баранавіцкага раёнаў і горада Баранавічы.

Конкурс “Траецкі кірмаш” сабраў на пляцоўцы сапраўдных аматараў фальклору, якія дэманстравалі элементы траецкага абрадавага дзеяння: казкі, паданні, легенды, карагоды, мясцовыя песні, перанятыя ад сваіх продкаў.

На працягу ўсяго свята запрашалі пляцоўкi: “Народная кухня”, выставы майстроў народнай творчасці “Жывая нітка традыцый”, “Этнадыскатэка”.

Свята “З Тройцаю ў лета” ў Люсіна паказала, што народная культура жыве і перадаецца ад старэйшага пакалення да моладзі.