комплекс былога езуіцкага калегіума (кадэцкага корпуса):
Шыфр
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
ХVІІІ ст., 1830-я гг.
Стыль
Барока
Апісанне
Полацкі езуіцкі калегіум займаў адметнае месца сярод езуіцкіх арганізацый на тэрыторыі Беларусі. Быў адным з першых, заснаваных у нашым краі. Рашэнне аб яго адкрыцці кароль Стэфан Баторый прыняў 4 кастрычніка 1579 г. Пачаў калегіум дзейнічаць у 1582 г. Менавіта Полацкаму калегіуму адводзілася галоўная роля ў прапагандзе і ўмацаванні пазіцый каталіцызму ў Рэчы Паспалітай, падаўленні пратэстантызму і розных ерэтычных вучэнняў. На працягу ўсёй гісторыі існавання калегіум знаходзіўся пад пільнай увагай папаў рымскіх, дзяржаўнай улады, караўніцтва ордэна. Сюды накіроўваліся лепшыя дзеячы Таварыства Ісуса: П. Скарга, Ф. Суньер, А. Пасевіно, С. Лянчыцкі, С. Влошак, Г. Грубер.
У 2003 г. адрэстаўраваны корпус А з прыстасаваннем пад карцінную галерэю, корпус Г для Полацкага універсітэта, у 2005 г. - корпус Д, працягваюцца рэстаўрацыйныя работы на карпусах Б,В, Е таксама для патрэб універсітэта.
