Вуліца ў цэнтральнай частцы горада. Даўжыня 700 м, ад вуліцы Замкавай да вуліцы Віленскай. Перспектыву вуліцы з боку Нёмана замыкае Стары замак. На вуліцы знаходзіцца Вялікая харальная Сінагога. Да пачатку ХІХ ст. забудова вуліцы был ў асноўным драўляная. Пачынае актыўна забудоўвацца каменнымі дамамі толькі ў канцы стагоддзя. Тэрыторыя вакол галоўнай сінагогі была ўпарадкавана пасля пажару 1899 г., пасля чаго вуліца атрымала сучасную трасіроўку. Моцна пацярпела падчас Другой сусветнай вайны. Знік цэлы шэраг суседніх з ёй вуліц ды завулкаў.

У доме № 28 у 1950–1960-х гг. жыў беларускі пісьменнік Васіль Быкаў.