З 28 па 30 лістапада ў Мінску прайшлі мерапрыемствы да Дня культуры Рэспублікі Казахстан. Адбыўся паказ казахстанскага кіно, канцэрт Дзяржаўнага струннага квартэта імя Газізы Жубанавай, канцэрт-лекцыя этна-фальклорнага ансамбля “Туран”. 29 лістапада ўрачыста адкрылася выстава прыкладнога мастацтва і прайшоў гала-канцэрт у Палацы Рэспублікі. У ім прынялі ўдзел заслужаныя дзеячы, лаўрэаты міжнародных конкурсаў Казахстана Дзяніс Якаўлеў, Аяжан Нурмаханбетава, Аляксандр Белякоў, Алішар Карымаў, Айгерым Бекетаева, Галымжан Нурмухамед, Асылбек Енсепаў і інш.
