Губернатарскі палац у Віцебску зачынены на рэканструкцыю

Помнік архітэктуры XVIII стагоддзя ўключаны ў абласную інвестыцыйную праграму 2026 года, зацверджаную на сесіі Віцебскага абласнога Савета дэпутатаў. На рэканструкцыю гістарычнага аб'екта з абласнога бюджэту будзе накіравана 15 мільёнаў рублёў.

Губернатарскі палац з'яўляецца помнікам архітэктуры XVIII стагоддзя і адной з галоўных славутасцяў абласнога цэнтра. Велічны будынак у стылі класіцызму размешчаны ў гістарычным цэнтры Віцебска, на беразе Заходняй Дзвіны. З помнікам архітэктуры звязаны імёны вядомых асоб і шэраг важных гістарычных падзей. У розны час тут бывалі кавалерыст-дзяўчына Надзея Дурава і будучы расійскі імператар Аляксандр II, падчас Айчыннай вайны 1812 года на працягу двух тыдняў у Губернатарскім палацы жыў Напалеон Банапарт. 
Будынак палаца з'яўляецца помнікам архітэктуры нацыянальнай значнасці 212Г000075