Конкурс прысвечаны году якасці і 85-годдзю дзяржаўнай установы «Мінскі абласны цэнтр народнай творчасці».
Тэматыка конкурса — «Нематэрыяльная культурная спадчына Міншчыны». Удзельнікі клубных фарміраванняў Мінскай вобласці ад 6 да 17 год на працягу некалькіх месяцаў стваралі жывапісныя і графічныя творы, абраўшы адзін з элементаў з Дзяржаўнага спіса нематэрыяльна-культурных каштоўнасцей Рэспублікі Беларусь, які мае бытаванне ў Мінскай вобласці.
Атрымаліся цудоўныя творы, якія кажуць пра тое, што маладое пакаленне цікавіцца нацыянальнымі традыцыямі і будзе ашчадна іх захоўваць. Усяго на конкурс было прадстаўлена 46 прац, з якіх 10 твораў журы адзначыла прызавымі месцамі і тром удзельнікам прысудзіла спецыяльны прыз.