Палац "Вялікі Свяцк Валавічаў" адчыніў для турыстаў рэканструяваныя залы
Аб'ект гісторыка-культурнай спадчыны Беларусі, размешчаны ў Свяцку недалёка ад Гродна, заззяў новымі фарбамі
Урачыста іх адкрылі кіраўнік Нацбанка Беларусі Раман Галоўчанка і кіраўнік Цэнтрабанка Расіі Эльвіра Набіўлліна. Дэлегацыя Банка Расіі прыбыла сёння ў Гродна на пасяджэнне Міжбанкаўскага валютнага савета.
Праект рэканструкцыі Палацава-паркавага комплексу рэалізуецца пры непасрэдным удзеле і фінансаванні Нацбанка.
Палацава-паркавы комплекс другой паловы XVIII – пачатку XIX стагоддзяў ужо называюць яркім турыстычным брэндам Гродзеншчыны — раней тут пачаў працаваць гатэль, рэстаран і піваварня. Яшчэ плануецца адкрыццё музея, аднаўленне інтэр’ераў, напаўненне рарытэтнымі рэчамі і мэбляй, а таксама развіццё спа-комплексу.
У рэстаўрацыі манументальнага жывапісу палаца ўдзельнічалі студэнты БДАМ. Пад кіраўніцтвам вопытных рэстаўратараў яны аднавілі тэмперны жывапіс і арнаментальныя роспісы на сценах і столях.
«Вялікі Свяцк Валовічаў»
Пачаткам будаўніцтва Палацава-паркавага комплексу лічыцца 1779 год. Гродзенскі маршалак Юзаф Валовіч прыцягнуў да працы італьянскага архітэктара Джузэпэ Сака. Палац злучыў у сабе найбольш характэрныя рысы адразу трох стыляў: барока, класіцызму, а ва ўнутраным аздабленні – рамантызму.
Пасля смерці ў 1779 годзе Юзафа Валовіча справу бацькі па ўзвядзенні Палацава-паркавага комплексу працягнуў яго сын Антоній. Да працы былі прыцягнутыя Мастакі Смуглевіч і Манькоўскі, італьянскі жывапісец Тамбары. Палац стаў не проста рэзідэнцыяй выхаднога дня, а сапраўднай радавой рэзідэнцыяй вядомага беларускага роду Валовічаў.
Крыніца: t.me/timesbel, https://times.by/news/dvorecz-vyaliki-svyaczk-valovicha-otkryl-dlya-turistov-rekonstruirovannye-zaly
