Мінская абласная бібліятэка імя А.С. Пушкіна сумесна з тэрытарыяльным цэнтрам сацыяльнага абслугоўвання Савецкага раёна г. Мінска прадстаўляе выставачны праект Міністэрства культуры Рэспублікі Беларусь і Рэспубліканскага цэнтра нацыянальных культур “Дакрануцца душой да спадчыны”. Дадзены праект, прымеркаваны да 20–гадовага юбілею Канвенцыі аб ахове нематэрыяльнай культурнай спадчыны, прысвечаны найважнейшым тэмам Года міру і стварэння – захаванню нематэрыяльнага здабытку Беларусі і культурных традыцый беларускага народа. Пачынаючы з 1954 года, Рэспубліка Беларусь з'яўляецца членам ЮНЕСКА, дзякуючы чаму многія культурныя з'явы нашай краіны ўваходзяць у склад Сусветнай нематэрыяльнай культурнай спадчыны гэтай арганізацыі. Дзякуючы “roll-up” стэндам з маляўнічымі ілюстрацыямі і цікавымі фактамі аб духоўным здабытку нашай краіны, наведвальнікі выставы “Дакрануцца душой да спадчыны” змогуць пазнаёміцца з народнымі традыцыямі і звычаямі, самабытнымі рытуаламі і абрадамі, якія можна сустрэць толькі на тэрыторыі Беларусі. Сярод іх – зімовы абрад-карнавал “Калядныя цары”, які праводзіцца ў вёсцы Семежава (Капыльскі раён, Мінская вобласць), беларускі вясновы абрад “Юраўскі карагод” родам з Палесся, штогод збірае гасцей з усёй краіны і замежжа, унікальнае рэлігійнае свята “Будслаўскі фэст” і, зразумела, знакамітае на ўвесь свет саломапляценне, якое стала адной з “візітных картак” Беларусі. Запрашаем вас на ўрачыстае адкрыццё выставы, якое адбудзецца 8 жніўня ў 16.00 у выставачнай зале Мінскай абласной бібліятэкі імя А.С. Пушкіна па адрасе: г. Мінск, вул. Гікалы, 4. У рамках мерапрыемства прадугледжана канцэртная праграма і добры настрой! Уваход вольны!